АҞӘА, жьҭаара 15— Sputnik. Амилаҭқәа Рлигаҿ урыстәылатәи ашьапылампыласратә команда аиааира агеит. Урыстәылеи Ҭырқәтәылеи ршьапылампылтә командақәа еиԥылеит Шәача ақалақь аҿы имҩаԥысуаз амилаҭқәа Рлига аиндаҭлараҿы ҳәа аанацҳауеит Р-Спорт.
Агәыԥ В 2 алига ахәмарра мҩаԥысуан Шәача, астадион "Фишт" аҿы. Ахәмарра хыркәшахеит 2:0 ҳәа. Амба иҭадыршәит: Роман Ноиштедтер (20-тәи аминуҭ) Денис Черышев (78-тәи аминуҭ).
Акомандақәа раԥхьатәи реиԥылараангьы аиааира агеит урыстәылатәи акоманда (2:1).
Абҵара 20 рзы Урыстәылеи Швециеи ркомандақәа еицыхәмарраны иҟоуп Стокгольм.
