АҞӘА, жьҭаара 23 — Sputnik. Адунеи аҟны зегь раасҭа иауу, 55 километра инаӡо ацҳа аадыртит Китаи. Иара 400 000 тонна акапан ыҟоуп. Абир атәы аанацҳаит РИА Новости.
Ацҳа ақәсра азин ҟалоит ахаша. Уи иалнаршоит Гонконгнтәи Чжухаиҟа анеира уаанӡа ишыҟаз х-сааҭк рцынхәарас 30 минуҭ рыла.
Анџьнырцәа иаԥырҵеит ацҳа аилазаара еилаԥса. Аӡы ахыхь ацҳа аура 22,9 километр иҟоуп, аӡаҵаҟатәи атуннель аура 6,7 километра иҟоуп, ҷыдала иаԥҵоуп Китаи, Гонконг, Макао рҳәаахысырҭатә ҭыԥқәа.
Ацҳа ахархәаратә нҵыра 120 шықәса ҳәа иазшьоуп, адгьылҵысреи аԥшатлакәи ачҳауа ишьақәыргылоуп.
Заанаҵтәи азыԥхьагәаҭарақәа рыла, 2030 шықәса рзы есыҽны ацҳа 29 000 транспорт хархәагеи 120 000 пассаџьыри ықәсуа иҟалараны иҟоуп.
