Иҭаҳаз ацҳа иахҟьаны Шәачаҟа аамҭала анеира залшом

© Фото : Стоп-кадр из видео очевидцаНаводнение в Туапсе
Наводнение в Туапсе - Sputnik Аҧсны
Анапаҵаҩра
НовостиTelegram
Шәача ақалақь ахадара амашьына аԥсҟы зку ргәы рҽанырҵоит аамҭала амҩа иқәымлаларц. Афедералтә трассаҿ аныҟәара аамҭала иаанкылоуп.

АҞӘА, жьҭаара 25 – Sputnik. Афедералтә трассаҿ аныҟәара аамҭала иаанкылоуп. Ақалақь ахадара амашьына аԥсҟы зку ргәы рҽанырҵоит аамҭала амҩа иқәымлаларц ҳәа Facebook аҿы иҩит ақалақь ахадара аусзуҩ Микаел Нерсесиан.

"Аиланхарҭа Макопсе ааигәара ацҳа ҭаҳаит. Амҩа аӡырҩаш иқәнаӡәӡәааит. Арахь иаагоуп атехника, аха аӡы шьҭыҵны иахьыҟоу иахҟьаны макьаназы аиҭашьақәыргыларатә усурақәа рылагара уадаҩуп", — ҳәа ануп адырраҭараҿы.

Уи адагьы аиланхарҭатә ҭыԥқәа Марьино, Наджиго, Калеж, Лыготх рҟны амҩақәа ҭыԥ-ҭыԥла иқәыӡәӡәаауп.

Лазаревсктәи араион аҿы 30 ҵла каҳаит. Адлери Лазаревски аӡы зҵалаз аҩнқәа рацәоуп.

Шьыжьнаҵы акомиссиа аныҟәара иалагеит ауаа рыԥхасҭа ашәҟәы аҭаҩразы.

Ажәабжьқәа зегьы
0