АҞӘА, жьҭаара 31 – Sputnik. 2018 шықәса рзы раԥхьаӡа акәны урыстәыла-аԥснытәи аҳәааҿы жәларбжьаратәи атрафик аҭоурыхаҿ урыстәылатәи аҳәаахьчаҩцәа ашәҟәы иҭарҩит аҳәаа иҭалози иҭыҵуази автомашьынақәа миллионк. Абри атәы аанацҳауеит Краснодартәи атәылаҿацә аҿы иҟоу Урыстәыла АШәМ апресс-маҵзура.
Аҳәаахьчаҩцәа ишазгәарҭаз ала, есышықәса акурорттә сезон аан апассаџьыртәии атранспорттәии ныҟәара еизҳауеит.
2017 шықәса иадкыланы уахәаԥшуазар, сынтәа атранспорт аныҟәара 5 процентк иазҳаит. Апассаџьыртә шыҟаз иаанхеит.
Акурорттә сезон иалагӡаны аҳәаа аҩ-хырхарҭак рыла иахысит хә-миллионки бжаки ауааԥсыра.
"Бжьаратәла уахыки-ҽнаки, аиҳарак нанҳәамзазы, 55 000 рҟынӡа автотранспорт ашәҟәы иҭаагалон, ауаа – 57 000-ҩык рҟынӡа", — ҳәа азгәарҭеит аҳәаахьчаҩцәа.
Аиԥылараан ирылацәажәан иара убасгьы еиуеиԥшымыз атематикатә зҵаарақәа.
