Микрофон  - Sputnik Аҧсны
Арадио

Анқәаб: ҳбаҳчақәа рҟынтә 600 тонн рҟынӡа амандарина аҽаҩра ҳазыԥшуп

© Sputnik / Томас ТхайцукВячеслав Анкваб
Вячеслав Анкваб - Sputnik Аҧсны
Анапаҵаҩра
Yandex newsTelegram
Агрофирма "Софиа" адиректор ихаҭыԥуаҩ Виачеслав Анқәаб арадио Sputnik Аԥсны аефир аҟны еиҭеиҳәеит Гәылрыԥшь араионаҿ амандарина аҽаҩра зеиԥшрахоу атәы.
Ҳазлацәажәаша ҳамоуп: Анқәаб сынтәа амандарина аҽаҩра зеиԥшроу иазкны

"Сынтәа амандарина аҽаҩра бзиоуп. Амармалташьтә птәы ԥырхага анамҭартә еиԥш бжьынтә иаҳхәышәтәит. Ҵыԥх зынӡа иҟаӡамызт азы, сынтәа ирацәахеит, аҽаҩра ҳахьахәаԥшуа 600 тонн раҟара ҳазаԥшуп. Макьана аҟәшәара ҳаламагац, амза 8, 9 рзы иахацҳаркырц ҳгәы иҭоуп. Амандарина ахатә аамҭа амоуп ианаархәаша, уи абҵарамза анҵәамҭа инаркны ԥхынҷкәынмза аҟынӡа ауп, аха уажәгьы иаархәоит. Ахә шьақәзыргылоу иара аџьырмакьа ахаҭа ауп: ибзиааны иаархәалар, ахәгьы ҳаракхоит. Ирацәоуп аҳәынҭқаррақәа Урыстәылаҟа амандарина назго, дара ахә марианы ирҭиуеит, аха аԥсуа мандарина еиҳа ихаауп", — ҳәа азгәеиҭеит Анқәаб.

Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.

Ажәабжьқәа зегьы
0