АҞӘА, абҵара 5 — Sputnik. Америкатәи анаплакҩы, амиллиардер, акосмостә еилахәыра SpaceX ахада Илон Маск Twitter аҿы иӡыригеит авидео, Лос-Анджелес аҵаҟа иҵыргаз атунель рццакы аҟынтәи ҳәа аанацҳауеит апортал "360".
"Аилахәыра The Boring Company зыргылара иаҿу атунель ахы инаркны аҵыхәанӡа сыҵысит. Уажәы аартра иазку аныҳәатә хәылԥазы сҽазыҟасҵоит", — ҳәа иҩуеит Маск.
Атунель аргылара иалацәажәан рашәарамзазы. Аргылара анапы алакуп аилахәыра The Boring Company.
Маск аилахәыра The Boring Company шьаҭаиркит 2016 шықәса рзы. Иазыԥхьагәаҭоуп атунель ацәаҳәақәа аҽа ҩба рыргылара. ԥхьаҟатәи апланқәа идырбоуп Техас ма Сан-Франциско адгьылаҵатә еимадарақәа реиҿкаара.
