АҞӘА, абҵара 12– Sputnik. ЛЖәР аҿтәи алхрақәа рҿы Лугансктәи жәлар республика ахада инапынҵақәа назыгӡо Леонид Пасечник аԥыжәара имоуп 68,4% бжьы рыла ҳәа ажурналистцәа ирзеиҭалҳәеит Ацентртә алхратә комиссиа ахантәаҩы Елена Кравченко 96% ԥкаанҵа агәаҭара ианахрыжь ашьҭахь ҳәа аанацҳауеит РИА Новости.
"Агәаҭара иахыжьуп 96 % биуллетень. Леонид Иван-иԥа Пасечник изы рыбжьы рҭиит 68,4% алхыҩцәа", — лҳәеит Кравченко.
Акандидатцәа: Олег Коваль изы рыбжьы рҭиит 16,57% алхыҩцәа, Лиудмила Руснак лзы — 5,84%, Наталиа Сергун лзы — 7,89%", — ҳәа азгәалҭеит Кравченко.
Донецктәии Лугансктәии жәлар рреспубликақәа рҿы амҽыша, абҵара 11 рзы ахадацәеи апарламентқәа рдепутатцәеи ралхра мҩаԥысуан.
