Иӡхьоу акантинент ашьҭақәа Антарктида ирбеит

CC0 / / Иӡхьоу акантинент ашьҭақәа Антарктида ирбеит
Иӡхьоу акантинент ашьҭақәа Антарктида ирбеит - Sputnik Аҧсны
Анапаҵаҩра
Аҵарауаа ишьақәдыргылеит Мрагыларатәи Антарктидеи ажәытәӡатә континент, Африка, Индиа, Австралиа, Аладатәи Америка еидызкылоз, Гондванеи еидҳәалан ҳәа.

АҞӘА, абҵара 14 - Sputnik. Агеофизикцәа жәларбжьаратәи ргәыԥ Антарктика ирыԥшааит ажәыәт континентқәа рышьҭамҭа ҳәа аанацҳауеит РИА Новости апортал Live Science адыррақәа ҵаҵӷәыс иганы.

Аҵарауаа адгьылтә литосфера Европатәи акосмичестә маҵзура GOCE,аспутник адыррақәа ирҿырԥшны хԥаны еиздырҳаит. Аспутник 2003-2013 шықәсқәа рзы Адгьыл агравитациатә дәы аинформациа еизнагон. Уи иалнаршеит Антарктида аҩныҵҟа агәылаԥшра.

"Ҳара иаабаз аконтинент Гондвана аныҟаз аамҭахь ҳнанагоит. Агәрагьы ҳнаргоит Антарктика ишадҳәалаз" ҳәа азгәеиҭеит аҭҵаара автор, агеофизик Иорг Еббинг.

Гондвана ыҟан ҳәа ишьоуп 750-540 миллион шықәса раԥхьа, аҽеиҩнашеит ҳәа иршьоит 180 миллион шықәса раԥхьа.

 

Ажәабжьқәа зегьы
0