АҞӘА, абҵара 15 - Sputnik. Аокруг ашериф Батте Кори Хони апресс-конференциаҿ еиҭеиҳәеит 130-ҩык ауаа хабарда ибжьаӡны иҟоуп, 200-ҩык ауаа ахьыҟоу шьақәыргылоуп ҳәа аанацҳауеит РИА Новости.
"Хабарда ибжьаӡыз рсиаҿ ианыз 200-ҩык ауаа ахьыҟоу аҭыԥ шьақәыргылоуп. Уи уаҩы даргәырӷьартә иҟоуп. Иахьазы 130-ҩык ахьыҟоу ҳаздырам", - иҳәеит ашериф апресс-конференциаҿы.
Калифорниа иҟоу амцакра аҩыза аштат аҭоурых аҟны уаанӡа иҟамлацызт ҳәа иҳәеит ашериф.
Калифорниа амцакра ҟалеит аԥшьаша ашьыжь. Амца иамҽханакит 45 нызқь гектар. Амца иалаблит 179нызқь хыбра. Рыҩнқәа ирхыгоуп 300 000-ҩык ауааԥсыра.
Дональд Трамп абҵара 12 рзы аштат Калифорниаҿы аҭагылазаашьа ҷыда рылеиҳәеит.
