АҞӘА, абҵара 18 — Sputnik. Ҟрымтәи аделегациа ООН Ассамблеиа хада 73-тәи асессиа иалахәхараны иҟоуп ҳәа аанацҳауеит РИА Новости Урыстәыла Ауаажәларратә палатаҿ Ҟрым ахаҭарнак, ареспублика аболгартә милаҭтә-культуратә регионалтә автономиа аиҳабы Иван Абажер иажәақәа ҵаҵӷәыс иганы.
"Ҟрымтәи аделегациа ООН Ассамблеиа хада 73-тәи асессиа иалахәхараны иҟоуп. Уажәы адокументқәа разырхиара иаҿуп. Ҟрымаа ражәа акраҵанакуеит абри жәларбжьаратәи аиԥылараҿ, избанзар ирыдкыло арезолиуциа иҟоу аҭагылазаашьа зынӡа иақәшәом. Ҳара иҟоу шыҟоу адунеи иазеиҭаҳҳәар ҳҭахуп", - иҳәеит Абажер.
Ҟрымтәи аделегациа Ассамблеиа аилатәара алахәра актуалра аҵоуп аиҳаракгьы Ҟрым ауаҩытәыҩса изинқәа еиларгоит ҳәа арезолиуциа анрыдыркыла ашьҭахь ҳәа иҳәеит Урыстәыла Ауаажәларратә палатаҿ Ҟрым ахаҭарнак, ареспублика аболгартә милаҭтә-культуратә регионалтә автономиа аиҳабы Иван Абажер.
Аделегациа шьақәгылараны иҟоуп хҩык ауаажәларратә усзуҩцәа рыла.
