АҞӘА, абҵара 21 – Sputnik. Адунеизегьтәи ахәаахәҭратә еиҿкаара аусура аиҭахәаԥшра аҭахны иҟоуп ҳәа иаԥхьаӡоит Европарламент аҿы жәларбжьаратәи ахәаахәҭразы аилак. Абри атәы аанацҳауеит РИА Новости.
"Адунеизегьтәи ахәаахәҭратә еиҿкаара аусура аиҭахәаԥшра аҭахны иҟоуп аусура актуалреи хра амани иҟазарц азы ҳәа аҳәамҭа ҟарҵеит Европарламент адепутатцәа", - ҳәа аҳәоит апарламент адырраҭараҿы.
Адепутатцәа ажәалагала ҟарҵеит аиҿкаара ареформақәа разуразы. Арахь иаҵанакуеит ахәаахәҭратә тәыла дуқәа рганахь ала аҳәынҭқарратә наплакқәа асубсидиақәа рзыҟаҵара, аелектронтә коммерциа, аҳәынҭқарратә аахәарақәа, ицифрарку ахәаахәҭра ВТО аиурисдикциа раҵаркра у.у.е.
Иара убасгьы Еврокомиссиа ажәалагала ҟанаҵоит Евроеидгыла ахәаахәҭратә партниор дуқәа: Америка, Иапониа, Китаи, Канада, Бразилиа, Индиа ареформа аус адуларахь иадыԥхьалазарц.
