АҞӘА, абҵара 21 – Sputnik. Жәларбжьаратәи акоалициа апровинциа Деир-ез-Зор, ақалақь Хаджин аҳауатә лахысраан ззин ыҟам афосфар шкәакәа ахы ианархәеит ҳәа аанацҳауеит РИА Новости.
"Жәларбжьаратәи акоалициа апровинциа Деир-ез-Зор, ақалақь Хаджин аҳауатә лахысраан ззин ыҟам афосфар шкәакәа ахы иананархәа ашьҭахь иҟоуп иҭахаз аҭынч уааԥсыреи аахақәа заузи", - ҳәа аанацҳауеит ателеканал Ikhbariya.
Иҭахази ахәрақәа змоуи рхыԥхьаӡара ҳәа аинформациа ыҟам.
Жәларбжьаратәи акоалициа апровинциа Деир-ез-Зор, ақалақь Хаджини ааигәа-сигәа ишьҭо ақыҭақәеи изныкымкәа аҳауала ирылахысхьеит. Убас ааигәа, ақыҭа аль-Букаан алахысраан иҭахеит жәаҩык аҭынч уааԥсыра.
Дамаск ООН ахь ааԥхьара ҟанаҵеит акоалициа атәыла аҵакыраҿы аҟазаара шзакәаншьаҭадоу азханаҵарц.
Алианс акәзар мап ацәнакуеит аҭынч уааԥсыра ҭахоит ҳәа ирҳәо. Пентагон Шьамтәыла ахархәара змоу абџьар жәларбжьаратәи анормақәа ирықәшәоит ҳәа аҳәоит.
