Аԥсҭазаара, аԥсҭазаара…

© Sputnik / Maksim Blinov / Афотобанк ахь аиасраЗаснеженная аллея на Воробьевых горах во время снегопада
Заснеженная аллея на Воробьевых горах во время снегопада - Sputnik Аҧсны
Шәаԥхьарц ишәыдаагалоит Sputnik аколумнист Светлана Ладариаԥҳа илҩыз алирикатә цәа зыҟәну агәҭахәыцрақәа.

Амцеи ахәышҭаареи рыԥсҭазаара

Знык адәы снықәыԥшны сыԥсындаз аҳәозшәа, аԥси-аԥси еихьымӡо аҿышәҭа еиқәаҵәа инкылыххуан алҩаҵә. Адунеи зегь ҟәашкакараӡа ианнықәыԥшлак, уажәшьҭатәи сыԥсра ԥсрам аҳәозшәа, ихәхәаӡа аҽааиҵнахуан. Абыржәыҵәҟьа акәны Анцәа иааибиҭазшәа ицқьан адгьыл.

Адәныҟа ҳәа ахәыҷы иныҳәара - Sputnik Аҧсны
"Адәныҟа" ҳәа ахәыҷы иныҳәара аҵаки амҩаԥгашьеи

Шәышықәса зхыҵуаз, қыҭак еиҵазааӡахьаз аԥсуа ԥацха идәылыҩуан агәырӷьабжь. Илакьылакьуан ахәышҭаарамца иахылҵуаз алҩаҵә.

Алҩаҵәи алҩаҵәи еикәаҵәиуа еицыланы иԥырҵәомызт аԥсҭазаара арахәыц. Иццакуан алҩаҵә адәахьтәи алашара иналаԥшырц, оумашәагьы агәы хыҭхыҭуан.

Иццакуан, аха иахон иаанызкылоз аҽа мчыкгьы. Арҭ ашықәсқәа идыреиқәаҵәахьаз, ахәажә быцала ишшыз, ажәытә зны мҳарара зуаз аԥсуа ԥацха аԥсы азыҩнгомызт, избанзар уа иҩнан амцеи ахәышҭаареи еиларҵаз аԥсҭазаара.

Мап, уԥсы ҩнугартә иҟаҵәҟьамызт ари аҩнра. Амца иахылҵуаз аԥхарра аасҭа идуун уаҟа иҩназ ауаа ирхылҵуаз аԥхарра. Мцадагьы уарԥхон.

– Сыԥсы науқәшәааит, скәырбан, укамҳааит. Анцәа ду духылаԥшуп…

– Умшәан, сбыжәгәалам. Ахаҵа дзиуа дкаҳаргьы дгыларцоуп. Еихга аҽа шьаҿак…

Андуи абдуи рыбжьара дныбжьыга-аабжьыго аныҟәашьа идырҵон рԥа иԥа…

Иԥхон ахәышҭаарамца. Илакьуан алҩаҵә.

Адгьыли аҿиареи

Акәаԥ-акәаԥ-акәаԥ… аҵламахәқәа рхаҿы ӡәӡәаны, арахәыц-па абырсааҭк иааилаарцырны инкаҭәоит асырӡ. Аҭаца қәыԥш лыччаԥшь-гәырӷьахә аҟараҵәҟьа ихаамзаргьы, илаша-лашо аччаԥшь канарҵәоит амра. Ацыԥхь-нацәкьарақәа иршьышьуеит адгьыл агәы, еиԥхьырышьшьаауеит ахаҿы, иҭагәӡуеит алакҭа. Џьара-џьара "ан ишаалыхшаз" ипашәӡа, напкьыс-шьапкьыс амамкәа, ҽыҭ-ҽыҭ ишьҭоуп асы (аӡә дыскьымсуандаз, сыԥсуазаргь ус сыԥсуандаз!). Ахшароура иазыԥшу аԥҳәыс леиԥш иҭагылом адгьыл агәы. Уи лассы иахылҵраны иҟоуп аҟата. Абри амш иазыԥшу аԥсабара иархиоит иссиру ацәамаҭәа. Уи хымԥада ииаҵәазароуп, агәыӷра иаԥшшәызароуп, какаҷла ихыркызароуп.

аамҭала аныҳәарақәа мҩаԥызгоз Светлана Алшәындба - Sputnik Аҧсны
Светлана Алшәындба: аҭаца дшырныҳәо еиԥш лыԥсҭазаара шьақәгылоит

Акыр-кыр, акыр-кыр… аҵла ирыҵаҩуеит аччабжь. Иарӷьоит ахәрақәа, иарбоит алаӷырӡ.

–Усхьымӡаӡеит! Усхьымӡаӡеит! Еиҭах суцәцеит!

–Сбыхьӡоит! Зегь дара роуп сбыхьӡоит. Башаӡа бмыҩын, усгьы сбыхьӡоит. Ибымбари…

"Ибымбари…ибымбари… ибымбари…" аныҩбжьы мҵанарсуеит аҳауа.

Напкьыс-шьапкьыс змамыз ас-ҽыҭ днылаԥалеит аӡӷаб. Иагьаарыцҳалшьеит. Иаалҭаххеит ҽыҭк иадамзаргьы лхаҿы инахьшьны, игәыдкыла-хыдкыланы иаалыргәыбзыӷырц, аха абан ани аҷкәын дахьлыхьӡо.

Акыр-кыр, акыр-кыр… иахьызгьы ахашҭыртә аччабжь нахеибаҳәеит ас-ҽыҭ. Иара убри иазыԥшызшәа, аҵла амахәаҿ иаагәылҵит апытҟәыр. Ишаагәылҵыз еиԥш иагьаахарахаԥшит, сабаанагеи аҳәарызшәа.

Раԥхьаӡа адгьыл инықәнарԥшыз алаԥшгьы нарықәшәеит анҭ аҩыџьа.

Аҷкәын уажәы аӡӷаб длыхьӡазаарын, лыҩнапык игәыдкылан, инапсыргәыҵақәа иргәылакны иԥсыԥ ала ирԥхон.

Адгьыл иқәлан иаауан аҿа аира аамҭа.

Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа