Микрофон  - Sputnik Аҧсны
Арадио

Табаӷәуа: Аԥсны Аконституциа иалагалоу аԥсахрақәа анализ рызузар ахәҭоуп

© Sputnik / Томас ТхайцукАԥсны Жәлар реизара адепутат Баҭал Табаӷәуа
Аԥсны Жәлар реизара адепутат Баҭал Табаӷәуа - Sputnik Аҧсны
Анапаҵаҩра
НовостиTelegram
Аԥсны Аконституциа иарбанзаалак аԥсахра ишәаны-изаны иалагалатәуп ҳәа азгәеиҭеит арадио Sputnik Аԥсны аефир аҿы Аԥсны Жәлар реизара адепутат Баҭал Табаӷәуа.
Тапаӷәуа: Аԥсны Аконституциа иалагалоу аԥсахрақәа анализ рызузар ахәҭоуп

"Аконституциа уаналало, даара уазхәыцны ишәаны-изаны иҟауҵароуп. Аԥсахра ахәазар ауеит иахьа уаҵәы, аха ари уазхәыцуазароуп иаҳа иныхараны, 10-шықәса рыҩныҵҟала иҟанаҵаз абзиарақәа. Аԥсахра ауаа ирмыхәазар ауеит, алҵшәа ҽеимшәа убозар, уи ариашара сара проблемоуп ҳәа сгәы иаанагаӡом. Ара ҩ-ганк ыҟоуп, акы-Аконституциа уаналакьысуа иудыруазароуп ари ихадоу закәанны ишыҟоу, аха ианамуӡах, ус амч умазароуп, иҟауҵаз агха ариашаразы. Убри аҟнытә ҳпарламент анализ ҟаҵатәуп аԥсахра ахьынӡахәаз, ус игәаҭатәу рацәоуп", - ҳәа азгәеиҭеит Табаӷәуа.  

Абҵарамза 26, 1994 шықәса рзы Иреиҳаӡоу Асовет асессиаҿы ирыдкылан Аԥсны Аҳәынҭқараа Аконституциа. Жьҭаара 3, 1999 шықәса рзы Аԥсны Жәлар рыбжьыҭирала уи шьақәырӷәӷәан.

Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.

Ажәабжьқәа зегьы
0