АҞӘА, ԥхынҷкәын 18 — Sputnik. Урыстәылатәи арежиссиор Сергеи Дворцевои идрама "Айка" аноминациа Оскар" ашорт-бӷьыц ианылеит акатегориа "Атәым бызшәала иҭыху иреиӷьу афильм" акандидатцәа ируакны.
Иара абри аноминациаҿы рыхьӡ ҳәоуп мексикатәи афильм "Рим" – Альфонсо Куарона; Каннтәи акинофестивальаҟны аԥхьахә "Золотая пальмовая ветвь" иаԥсахаз иапониатәи акиносахьа "Магазинные воришки" – Хирокадзу Кореда; польшатәи арежиссиор Павел Павликовски икинофильм "Холодная война"; ливантәи алента "Капернаум"; анемец киносахьа Never Look Away; даниатәи афильм "Виновен"; колумбиатәи алента Birds of Passage.
Урыстәылатәи арежиссиор Константин Хабенски идрама "Собибор" аԥхьахәқәа ршорт-бӷьыц ианымлеит.
Аноминантцәа аԥхьахәқәа рыҭара Еиду Америкатә штатқәа ркиноакадемиа ирыланаҳәоит 2019 шықәса ажьырныҳәа 22 рзы, аԥхьахәқәа рырҭоит жәабран 24 рзы.
