АҞӘА, ԥхынҷкәын 21 – Sputnik. Аԥсны иҟоу Аладатәи арратә округ апресс-маҵзура аиҳабы Вадим Астафиев далацәажәеит Аԥсны игылоу урыстәылатәи арратә базаҿ арратә полициа шаԥырҵаз атәы ҳәа аанацҳауеит РИА Новости.
"Аструктуратә еилазаара ҿыц ахь акандидатцәа ралхра акыр иҭҵааны изызнеиз усын. Акандидат игәабзиаратә ҭагылазаашьа еиԥш азхьаԥшра рыҭан иморалтә ҟазшьақәагьы", ҳәа еиҭеиҳәоит Астафиев.
Аструктуратә еилазаара ҿыц ахь ирыдыркылаз аррамаҵзурауаа ахысит азыҟаҵаратә программа ҷыда арратә полициа Рцентр аҿы. Уи ашьҭахь дара аҵареи аҽазыҟаҵареи ишырхысыз шьақәзырӷәӷәо асертификатқәа рыҭан. Асертификат азин ҟанаҵоит абџьар ҷыда аныҟәгаразы ҳәа азгәеиҭеит Аԥсны иҟоу Аладатәи арратә округ апресс-маҵзура аиҳабы Вадим Астафиев.
Иара иажәақәа рыла, агәыԥ аррамаҵзурауаа иаарласны ироуеит акәылӡтәы машьына "Тигр", ахархәагақәа "Колпак", "Черепаха".
