АҞӘА, ԥхынҷкәын 24 — Sputnik. Аилахәыра "АвтоВАЗ" 2026 шықәса рҟынӡа иагәҭакуп амодель ҿыцқәа 8 рҭыжьреи амодельқәа 9 ррестлаинг амҩаԥгареи ҳәа аанацҳауеит РИА Новости.
"Агәыԥ "АвтоВАЗ" акорпоративтә рҿиара азынархоуп иҿыцу амадельтә цәаҳәа азырхиара: 2026 шықәса рҟынӡа иагәҭакуп амодель ҿыцқәа 8 рҭыжьреи амодельқәа 9 рхаҿра аԥсахреи" ҳәа аҳәоит адырраҭараҿы.
Иазгәаҭоуп 2018 шықәса рзы "АвтоВАЗ" аҿиаратә план анагӡара шымҩаԥнагоз.
Иара убасгьы 2018 шықәса рзы ихацыркын 2018-2020 шықәсқәа рзтәи апрограмма – анаплакы аусзуҩцәа русуратә ҭагылазаашьа аиӷьтәразы. Абри апрограммала аԥаразоужьра иартәоит 3,178 миллиард мааҭ. Урҭ рҟынтәи 900 миллион мааҭ ахархәарахь ирырҭахьеит. Апрограмма аус адулара мҩаԥган аилахәыра аусзуҩцәа рыбжьара имҩаԥгаз азҵаараҟаҵара ашьҭахь. Аплан иаҵаркуп 588 уснагӡатә. Дара зегьы азырхоуп "АвтоВАЗ" аколлектив рҭагылазаашьа еиҳа арманшәалара.
Агәыԥ"АвтоВАЗ" алахәуп Алианс Renault-Nissan-Mitsubishi. Иҭнажьуеит автомашьынақәа: Lada, Renault, Nissan, Datsun. Ааглыхра мҩаԥыргоит Толиатти — ПАО "АвтоВАЗ"; Ижевск — ООО "Лада Ижевск".
