АҞӘА, ԥхынҷкәын 29 - Sputnik. Ветнамтәи атуристцәа ҩыџьа ҭахеит жәаҩык ауаа еиуеиԥшым аахақәа роуит Египет аҳҭнықалақь Ель-Гиза араион аҿы атуристтә автобус аҿы иҟалаз аԥжәара иахҟьаны ҳәа аанацҳауеит РИА Новости.
"Асааҭ 18.15 рзы Ель-Мариутиа амҩаҿы игылаз 14-ҩык Ветнамтәи атуристцәа зҭаз автобус аҿы иԥжәеит анапылаҟаҵаратә рԥжәага. Атуристцәа ҩыџьа ҭахеит жәаҩык ауаа еиуеиԥшым аахақәа роуит, ихәуп аекскурсиамҩаԥгаҩи амашьына аԥсҟы зкыз аҭыԥантәи ауаҩԥси. Аҭыԥ ахь инеиит азинхьчаратә органқәа. Ахҭыс аҭагылазаашьақәа рыҭҵаара иаҿуп", - ҳәа аҳәоит адырраҭараҿы.
Иҟалаз мзызны иамоу макьаназ еилкаам.
Египет иҟоу Урыстәыла Ацҳаражәҳәарҭа иҭырҵаауеит автобус аҿы Урыстәыла атәылауаа ыҟазу иҟамзу.
