АҞӘА, ԥхынҷкәын 29 - Sputnik. Рауль Ҳаџьымбеи Владимир Путини аидныҳәаларақәа еимырдеит Ашықәс ҿыци Қырсаныҳәеи рыламҭалазы ҳәа аанацҳауеит атәыла ахада иофициалтә саит.
"Аԥсны иқәынхо ажәлари ареспублика анапхгареи рыхьӡала гәыкала ишәыдысныҳәалоит Ашықәс ҿыци Қьырсаныҳәа лашеи. 2018 шықәса рзы аԥсны-урыстәылатәи еизыҟазаашьақәа хра рыманы иҿион еиуеиԥшым аусеицуратә хырхарҭақәа рҿы", - ҳәа аҳәоит Рауль Ҳаџьымба иҟаиҵаз адныҳәалараҿы.
Аԥсны ахада иҳәеит агәрагара шимоу 2019 шықәса рзгьы аусеицура ишацҵахо аҳәынҭқаррақәа рыбжьара аимадарақәа рырӷәӷәаразы.
Аԥсны ахада Владимир Путин ҭабуп ҳәа иеиҳәеит Аԥсны Аҳәынҭқарра аҿиараҿ ихаҭатә лагаламҭазы, атәылауаа рзы акрызҵазкуаны иҟоу азҵаарақәа аӡбра рыҭаразы.
Иара убасгьы изеиӷьеишьеит агәабзиара зҩыда, аманшәалара, ақәҿиара ҿыцқәа, аиашьаратә аурыс жәлар ирзеиӷьеишьеит аҭынчреи ашәҭыкакаҷреи.
Владимир Путин иааишьҭыз ателеграммаҿ Аԥсны ахада дидныҳәалеит.
"Агәра згоит ԥхьаҟагьы ҩ-ганктәи ҳаизыҟазаашьақәа, аиҩызареи астратегиатә пртнерреи ҵаҵӷәыс изманы иҟоу, ҳажәларқәа рыҩбагь рҭахрақәа ирықәшәо аҿиара роуп ҳәа", - иҩуеит Урыстәыла ахада.
Владимир Владимир-иԥа Рауль Ҳаџьымба изеиӷьеишьеит "агәабзиара, анасыԥ, атәыла ахадараҿы иҟазаараан ақәҿиарақәа, ареспублика ауааԥсыра – аизҳазыӷьара".
Рауль Ҳаџьымбеи Владимир Путини аҵыхәтәантәи реиԥылара мҩаԥысит ԥхынҷкәын 23 2018 шықәса рзы, Москва.
