Еныкь "Амбжьах лыбжьара" иазкны: иааԥхьоу арежиссиор аус ицура – раԥхьатәи шьаҿоуп

© Sputnik / Томас ТхайцукАҿартә театр адиректор Аслан Еныкь
Аҿартә театр адиректор Аслан Еныкь - Sputnik Аҧсны
Анапаҵаҩра
НовостиTelegram
Аԥсуа Ҳәынҭқарратә аҿар ртеатр адиректор Аслан Еныкь арадио Sputnik Аԥсны аефир аҿы иазгәеиҭеит иахьазы аус здыруло апремиера аџьабаа ду шадырбалаз.
Еныкь "Амбжьах лыбжьара" иазкны: иааԥхьоу арежиссиор аус ицура– раԥхьатәи шьаҿоуп

"Раԥхьатәи ԥышәоуп, шьаҿоуп- аҳәаанырцәынтәи арежиссиор иааԥхьарала ақәыргыламҭа аус анадаҳуло. Уажәаԥхьа иҳамаз амчқәа рыла аус ҳуан. Имариамыз аматериалгьы алаҳхит, Шекспир иҩымҭа "Амбжьах лыбжьара" (Укрощение строптивой- аред.), уи ус унадыххылан иҟауҵо акакәӡам. Ари ақәыргыламҭа бзиахап ҳәа сгәы иаанагоит. Хымԥада, иуадаҩын афинансқәа рганахьала, аџьабаа рацәа адаабалеит, ахәаԥшцәа иргәаԥхап ҳәа ҳгәыӷуеит", - ҳәа азгәеиҭеит Еныкь.   

Ажьырныҳәа 29, 30, жәабран 4 рзы адраматә театр асценаҿы Аԥсуа Ҳәынҭқарратә аҿар ртеатр ахәаԥшцәа ирыднагалоит апремиера Уилиам Шекспир иҩымҭала "Амбжьах лыбжьара".  

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0