Ламиаԥҳа Москва имҩаԥысыз абызшәақәа рыхәылԥаз иазкны: аԥсшәа иазҿлымҳаз рацәаҩын
"Ахәылԥазқәа ззыркуа атемақәа даара ирацәоуп, иаҳхысыз ашықәс азы изызкыз аурыс авангард шәышықәса ахыҵра акәын. Ахәылԥаз иалахәыз даара ирацәаҩын, ажәеинраалақәа ирыԥхьон еиуеиԥшым абызшәақәа рыла. Аусмҩаԥгатә аԥххарра аҵан имҩаԥысит. Сгәы иаахәеит схы ахьаласырхәыз. Сара Баграт Шьынқәба иажәеинраала "Ажәа" саԥхьон. Гәахәарыла ирыдыркылеит зегьы иара, ҳбызшәахьы аинтерес аазырԥшыз рацәаҩын", - ҳәа азгәалҭеит Ламиаԥҳа.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
