Ақыҭанхамҩа аминистрраҿы апты аизгаразы аԥарахшәаара еиҭахацдыркуеит

© Sputnik / Томас ТхайцукАқыҭанхамҩа аминистрра апты аизгаразы аԥарахшәаара еиҭахацдыркуеит
Ақыҭанхамҩа аминистрра апты аизгаразы аԥарахшәаара еиҭахацдыркуеит - Sputnik Аҧсны
Анапаҵаҩра
НовостиTelegram
Амармалташьтә пты аизгара ааԥынразы еиҭахацыркхоит, усҟан иара аԥырра аҽазырхиара иалагоит, ацәа иалҵуеит.

АҞӘА, ажьырныҳәа 24 – Sputnik, Бадраҟ Аҩӡба. Амармалташьтә пты аизгара ахәԥса ахшәааразы иазыԥхьагәаҭахоит 5-7 миллион мааҭ рҟынӡа аԥара. Апты акра иалагоит ааԥынразы ҳәа иҳәеит Аԥсны ақыҭанхамҩа аминистр Амиран Какалиа Sputnik аинтервиу анеиҭоз.

Борьба с мраморным клопом - Sputnik Аҧсны
Шәачаа Аԥсны амармалташь пты ишаҿагыло ргәаԥхоит

"Ари аус ԥсыхәа змамоуп. Ишыжәдыруа еиԥш ииасыз ашықәс аан апты акьыла зықьмааҭ ахыршәаауан. Сынтәагьы иацаҳҵоит ари аус, уи ахылаԥшра аҭахоит", - ҳәа иҳәоит иара.

Аминистр ишазгәеиҭаз ала, апты иаҿагыланы ақәԥараҿы абри аусхкы еиҳа алҵшәа амоуп.

"Адунеи зегь аҟынгьы абасеиԥш ала апты ақәырӡаара хра аманы ирыԥхьаӡоит", - ҳәа иҳәоит Амиран Какалиа.

Ҵыԥх хә-нызқь кьыла рҟынӡа  апты еизган. Ауснагӡатәқәа ааԥынраз имҩаԥгахоит, апты аӡын иӷыҵысны ианааԥшлак ашьҭахь. Усҟан акрагьы еиҳа имариоуп ҳәа иҳәоит аминистр.

Дбар еиҭеиҳәеит апты анырҵәаразы иахәҭаны ииԥхьаӡоу ауснагӡатәқәа ртәы

Ажәабжьқәа зегьы
0