Шьаҟрылԥҳа: Гал ауааԥсыра реиҳараҩык аҳәаа иахыслароуп

© Фото : chp-apsnyауаҩытәыҩса изинқәа рзы азинмчра змоу Асида Шьаҟрылԥҳа
ауаҩытәыҩса изинқәа рзы азинмчра змоу Асида Шьаҟрылԥҳа - Sputnik Аҧсны
Анапаҵаҩра
Аԥсни Қырҭтәылеи рҳәаа аркра акыр изызхәыцтәны, ауааԥсыра рыбзазара анырра амоуа имҩаԥгатәын ҳәа лҳәеит ауаҩытәыҩса изинқәа рзы азинмчра змоу Асида Шьаҟрылԥҳа.

АҞӘА, ажьырныҳәа 24 – Sputnik. Ареспублика анапхгара Гал араион ауааԥсыра рҭахрақәа ирызхәыцыр акәын аушьҭырҭатә ҭыԥ "Егры" аркразы аӡбара анрыдыркылоз, ҳәа лҳәеит ауаҩытәыҩса изинқәа рзы азинмчра змоу Асида Шьаҟрылԥҳа.

Пограничный пункт Ингур в Гальском районе Абхазии - Sputnik Аҧсны
Галаа аҳәаа аартреи анхаразы азин аҟаҵареи ирылацәажәеит

Амитинг еиԥшу анегативтә хымҩаԥгашьа аҽацәыхьчара алшон ауааԥсыра заанаҵы акарантин зымҩаԥгоу азы аинформациа рыҭазҭгьы ҳәа азгәалҭеит лара.

Аԥсны ауаҩытәыҩса изинқәа рзы азинмчра змоу Асида Шьаҟрылԥҳа лажәақәа рыла галаа реиҳараҩык рзы аҳәаа ахысра зыда ԥсыхәа ыҟам акоуп: ҷыдала, ахәышәтәырҭақәа ирҭаауа ауааи атәанчахәы агәылара-ҳәынҭқарраҿ изауа ауааи.

Ари акатегориа иаҵанакуа ауаа аҳәаа ахысра азин рызныжьтәны илыԥхьаӡоит лара.

Егрытәи аҳәаа ахысра ԥкуп аимҳәачымазара иахырҟьаны

"Асеиԥш азнеишьа ауаа рыгәҭынчымра аԥнахуан. Аилкаара уадаҩуп аԥсшьарамшқәа раан зыҩныҟа иааз қырҭтәылатәи аҵараиурҭақәа ирҭоу астудентцәа аҳәаа рахыжьра ахьыҟамло", - ҳәа лҳәоит омбудсмен.

Лара иазгәалҭоит аҳәаа анаркхалак ашьҭахь апроблемақәа зызцәырҵуа ауаа рсиа аҭыԥантәи араион ахадара ишьақәыргыланы ирымазар шакәу.

"Иҟалоит ари аҩыза аҭагылазаашьаҿы жәларбжьаратәи аиҿкаарақәа рахь ацхырааразы аҳәара ҟаҵазар", - ҳәа ацылҵоит Шьаҟрылԥҳа.

Лара убасгьы дазааҭгылеит Гал араион ауааԥсыра рыстатус азҵаара еилыргамкәа иаанханы ишыҟоу.

 

Ажәабжьқәа зегьы
0