"Венесуела имҩаԥысуа ахҭысқәа Еиду Америкатәи Аштатқәа анырра ӷәӷәа анаҭоит, аха аҩныҵҟатәи амзызқәагьы аҵоуп. Уа акыр аамҭа ицоит асоциалтә-економикатә, аполитикатә кризис, уи аӡбашьагьы амаиуит. Венесуела аҭагылазаашьа бааԥсхеит даара, иара ҳәынҭқарра беиоуп ҳәа иԥхьаӡоуп, аха уажәазы аекономика каҳан иҟоуп. Америка анырра зырҭоу амчра аиааира ргар, Аԥсны азхаҵара иаиуз шьҭахьҟа идыргьежьыр ҟалоит, ус еиԥш аҳәынҭқаррақәа реизыҟазаашьаҿы ирацәаны ахҭысқәа ҟалахьеит. Иага ус иҟаларгьы Аԥсны аполитикатә статус уамак анырра анаҭом. Аполитикатә мчра реиҭакрақәа ҳтәыла ахьыԥшымра азхаҵара иаԥырхагахом", - ҳәа азгәеиҭеит Ҳагба.
Венесуела ахада Николас Мадуро ажьырныҳәа 10 рзы аҭоубашьҭаҵара мҩаԥигеит 2019–2025 шықәсқәа рзы Венесуела ахадак иҳасаб ала. Америкатәи аҳәынҭқаррақәа реиҿкаара Мадуро изинмчра азхарымҵеит, Парагваи акәзар адипломатиатә еизыҟазаашьақәа ааннакылеит.
Ажьырныҳәа 23 рзы Венесуела Иреиҳаӡоу аӡбарҭа Амилаҭтә ассамблеиа аӡбарақәа азакәан шьаҭа рымам ҳәа шьақәнаргылеит.
