АҞӘА, ажьырныҳәа 30 - Sputnik. Урыстәыла ашьаусҭҵааратә еилакы иамоу адыррақәа рыла, Ҟарачы-Черқьесиа ахьӡала Афедерациа ахеилак алахәыла Рауф Арашуков аҿартә еиҿкаара "Адыгэ-Хасэ" ахантәаҩы ихаҭыԥуаҩи ареспублика ахада иабжьгаҩи рышьра далаҟьашьуп. Абри атәы аанацҳаит РИА Новости аусбарҭа аофициалтә хаҭарнак Светлана Петренко лажәақәа инарықәыршәаны.
"Аусҭҵаараан иаарԥшын адыррақәа Ҟарачы-Черқьесиа ахьӡала Афедерациа ахеилак алахәыла Рауф Арашуков аҿартә еиҿкаара "Адыгэ-Хасэ" ахантәаҩы ихаҭыԥуаҩи ареспублика ахада иабжьгаҩи рышьра далаҟьашьуп ҳәа", - лҳәоит Петренко.
Ахашаҽны, 32 шықәса зхыҵуа асенатор Арашуков Афедерациа ахеилак аилатәара азал аҟынтәи дырбаандаҩны ддәылган.
