Нурҭен Балԥҳа: аԥсшәа ҵаны Аԥсныҟа сцоит

© Sputnik / Саида ЖьиԥҳаНурҭен Бала
Нурҭен Бала - Sputnik Аҧсны
Анапаҵаҩра
Ҭырқәтәыла, Адаԥазар ақалақь инхо ашәыуа ҭыԥҳа Нурҭен Балԥҳа даныхәыҷыз аахижьҭеи Аԥсныҟа ацара лгәы азыҳәоит. Сынтәа лара илыӡбеит аԥсшәа ҵаны лҭоурыхтә дгьыл аҭаара.

Саида Жьиԥҳа, Sputnik

Амҳаџьырра ашықәсқәа раан, Нурҭен Балԥҳа лабду иаб Меҭель Ҟарачы-Черқьесскынтәи ихырҵәаз иоуп. Ҭырқәтәыла данааи, Анкара азааигәара иаб иашьа иԥа Османи гәыԥҩыуаак аԥсуааи еицхырааны иахьеицынхашаз ақыҭа аргылара рҽазыршәеит. Уи заҳаз аҭырқәцәа аԥынгылақәа рырҭо иалагеит. Аиҿыхарақәа раан, ашәуааи, аԥсуааи дҭадырхоит ирықәлаз аӷа. Усҟан аҭырқәцәа ашьоура анырҭахха, Осман иуаажәлар ҭамхарц азы, иӡбоит дара рыла ишабоз бзиа иибоз, ҩызас имаз ала ашьра. Уи алагьы ашьоура ааникылоит.

Нурҭен даныхәыҷыз илзеиҭарҳәаз ахҭыс иахьагьы иџьашьаны илгәалашәоит. "Осман икаиҭәаз ила ашьала, аӷацәа шԥааникылеи" ҳәа.

Ирфан Ахәаҷба - Sputnik Аҧсны
Ирфан Ахәаҷба: cҵаҩцәеи сареи аԥсшәа еицаҳҵоит

Ашәуа ҭыԥҳа даараӡа ихьаалгоит иахьа уажәраанӡа Аԥсныи, Ҟарачы-Черқьесски ахьылымбац. Лара илҳәоит, аԥсшәа лҵар лҭоурыхтә дгьыл ахь дышцо.

"Шықәсыбжак аахижьҭеи Адаԥазар ақалақь, арҵаҩы Ирфан Ахәаҷба еиҿкааны имоу аԥсшәа аҵаразы акурсқәа сырҭаауеит. Уажәшьҭа аҩышьеи, аԥхьашьеи сҵеит, исзынхаз еиҳа еиӷьны аҳәара ауп. Сара исҭахуп Аԥсныҟа санцалак схатәы бызшәала сыуаажәлар срацәажәарц", - инаҵылшьит ҳџьынџьуаҩ.

Нурҭен Балԥҳа лан дҟабардоуп, аха аԥсшәагьы лдыруеит. Аҭыԥҳа илызҳаит аԥсшәеи, аҟабарда бызшәақәеи шлаҳауаз. Аха анаҩстәи лыԥсҭазаараҟны еиҳарак ахархәара змаз аҭырқәшәа акәхеит аҟнытә, илхашҭыз ҟалеит.

Нурҭен лаб иашьа иԥацәа Аԥсныҟа ицахьеит, ирымоуп атәылауаҩшәҟәы, ларгьы хымԥада илҭахыуп лыԥсадгьыл закәанла датәылауаҩхарц.

Акәашаратә ансамбль Редада - Sputnik Аҧсны
Ансамбльқәа "Редадеи" "Рерашьеи" Сҭамԥыл ихырхыз рацәаҩхеит

"Аԥсышәала аҷҷаҳәа сцәажәар, стәылауаҩшәҟәы снапаҟны исоур, сара сзы еиҳау насыԥ ҟалом", - ҳәа азгәалҭоит аҭыԥҳа.

Нурҭен Аԥсны аӡбахә бзиаӡаны илаҳахьеит ицаны иаахьоу рҟнытә. Иара убас лассы-лассы агәхьаагара данамҽханакуа аинтернет аҟны илԥшаауеит лыԥсадгьыл иазку анҵамҭақәа.

"Знык Аԥсны сызцар, шьаҿа-шьаҿа ахыи-аҵыхәи еимыздон", - лҳәоит лара.

Нурҭен Балԥҳа адукатс аус луоит. Лара Адаԥазар ақалақь иреиӷьу адукатцәа дырхыԥхьаӡалоуп.

Ажәабжьқәа зегьы
0