АҞӘА, жәабран 20 – Sputnik Бадри Есиава. ЕгрыГЕС зынӡа аусура аанкыламхарц азы Аԥсны иахьаҵанакуа жәабран 20 инаркны афымцалашара дырцәалоит ҳәа аанацҳаит «Амшынеиқәафымцамч» апресс-маҵзура.
"ЕгрыГЕС аусура аанкылатәхоит аӡы аҩаӡара 420 метра рҟны ианнеилак. Усеиԥш ҟамларц азы иӡбоуп жәабран 20 инаркны (асааҭ 11:00- 14:00) Аԥсны иахьаҵанакуа аҭыԥқәа рҿы афымцаларашара дырцәаларц. Ари аҩыза аԥкыра ҟалоит Урыстәылантәи афымцалашара ҳауа ҳалагаанӡа» ҳәа аҳәоит аҳәамҭаҿ.
Жәабран 19, 2019 шықәса рзы иҟоу азыԥхьагәаҭарала ЕгрыГЕС хәажәкыра-мшаԥы амзақәа рзы 310 миллион киловатт-сааҭ афымцамч арҿиара алшоит. Убри аан Аԥсны афымцамч ахархәара 366 миллион киловатт-сааҭ итәоит. Адефицит 56 миллион киловатт-сааҭ шьақәнаргылоит ҳәа аҩуеит аиҿкаара апресс-маҵзура.
ЕгрыГЕС ахархәарахь ирыҭан 1978 шықәса рзы. Агидроагрегат Аԥсны аҵакыраҿы иҟоуп
