АҞӘА, жәабран 25 - Sputnik. Урыстәыла Ишәарҭадоу амҩатә ныҟәаразы аҳәынҭқарратә инспекциа (ГИБДД) аиҳабы Михаил Черников РИА Новости аинтервиу аҭо, иҳәеит 2020 шықәса рзы Урыстәыла амашьынарныҟәцаразы аелектронтә зинтә шәҟәқәеи амашьына аҭаҩразы аршаҳаҭгақәеи цәырҵыр рылшоит ҳәа.
"Адыррақәа релектронтә база аныҟамыз, амашьына ауаҩытәыҩса ршаҳаҭгас имаз арныҟәцаразы азинтә шәҟәы акәын. Уажәшьҭа ари аус акыр иманшәалахоит аинформациатә системақәа рыбзоурала", - иҳәеит иара.
Черников ишазгәеиҭаз ала, алагала ҿыц иԥаршеиу адокументқәа рымазаара аԥнарҟәҟәаауеит, иара убасгьы ԥшрала иеиԥшу арныҟәцаҩцәа документк рхархәара аԥнахуеит.
