"Раионцыԥхьаӡа амашьына-технологиатә станциақәа ҳамоуп, урҭ ааԥынтәи аусурақәа ирзыхиоуп. Ацәаӷәара зҭаху ақыҭа ахада иеиҳәоит, уи ашьҭахь атрактор нарышьҭуеит астанциаҟынтә, иазыԥҵәоу ахә ахыршәаауеит. Ахә акәзар, абылтәы иадҳәалоуп, уи анышьақәҳаргыло, аамҭалатәи ахәқәа роуп ҳәа иазгәаҳҭоит. Аха аҭагылазаашьа ҳанахәаԥш, аминистри ҳареи ҳаицәажәеит, сынтәа иахьынӡауала иагҳархарц, ҵыԥх аасҭа. Убас ала, ахә иаҳа иагҳархоит ацәаӷәара гектарк аҟны. Гектрак амхы уажәы ацәаӷәара мацара 2 нызқьи 316 мааҭ ақәшәоит, ҵыԥх 2-нызқьи 956 мааҭ ыҟан. Аминистр драцәажәеит аилахәрақәа "Абхазтоп", "Роснефть" дара абылтәы шаарго еиԥш иҳарҭарц. Амашьына-трактортә станциақәа рҟынгьы ҳахәаԥшит иахьынӡауа ахәқәа лаҳарҟәырц", -иҳәеит Џьонуа.
Иҟоуп агәаанагара аџьықәреи аарыхра аасҭа, аахәара иаҳа ифеидоуп ҳәа. Аха ақыҭаҟны арахә змоу анхацәа аџьықәреи дара ианыларҵо, иаҳа ирзыфеидоуп ҳәа азгәеиҭеит Џьонуа.
Инарҭбаау аиҿцәажәара шәазыӡырҩыр шәылшоит арадио Sputnik Apsny аефир аҿы.
