Қарчаа еиҭеиҳәеит аԥкьаҭымпыл маҷ азы Аԥсны анҭыҵ имҩаԥысуаз атурнир алҵшәақәа ртәы
"Раԥхьаӡа акәны сынтәа ҳтәыла анҭыҵ аицлабрахь ҳцеит. Ф-ҩык ахәыҷқәа ҳгеит, урҭ рахьынтә х-ҩык раԥхьаӡа акәноуп аицлабрахь ианнеи. 42 команда ахьыҟаз ахәбатәи аҭыԥ аанаҳкылеит, уи алагьы актәи атур хыркәшоуп. Анаҩс ашықәс аҩнуҵҟа еиҭа аимҩаԥысуа атурнирқәа рылҵшәақәа рыла еилкаахоит аиааира згазгьы. Уажәтәи аицлабараҿы 700 инарзынаԥшуа Урыстәыла ахьынӡанаӡааӡо аспортсменцәа алахәын, ахәбатәи аҭыԥ лҵшәа бзианы сахәаԥшуеит. Ҳаспортсменцәа зынӡа жә-хәмаррак рыман, урт рахьынтә ԥшьба рҿы иаҵахеит, хә-хәмаррак рҿы аиааира ргеит", - ҳәа азгәеиҭеит Қарчаа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
