"Иҳаҩсыз ашықәс уаанӡатәи ашықәсқәа раасҭа акыр алҵшәа аманы иҟан ҳџьынџьуаа рыԥсадгьыл ахь рааиреи, ашәҟәы рҭагалареи, атәылауаҩшәҟәы рыҭареи аганахьала. Зегь реиҳа иҳараку аҩаӡарақәа аадырԥшит Мысрантәи ихынҳәыз. 2017 шықәса рзы уантә 43-ҩык ракәзар иааз, 2018 шықәса рзы - 162-ҩык хынҳәит. Урыстәылантәи 2017 шықәса рзы 91-ҩык аазар, 2018 шықәса рзы - 199-ҩык. Иазгәасҭарц сҭахуп, ҳџьынџьуаа зыԥсадгьыл ахь ихынҳәуа, атәылауаҩра зауз зегьы ара иаанхаӡом. Арепатриант истатус роуит 45-ҩык. Ихаҩсыз ашықәс азы рыԥсадгьыл ахь ихынҳәыз рахьынтә иҟоуп Шьамтәылантәи, Ҭырқәтәылантәи, Иорданиантәи иааз. Арекордтә цифрақәа рыҟалара абзоурахеит ҳныҟәрақәа, ҳаибабарақәа имҩаԥаагоз", - ҳәа азгәеиҭеит Дбар.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
