"Супер-Кубок ахьӡуп Ахраҿа – 2019. Иара агаразы хәмаррак ауп имҩаԥысуа, еиндаҭлоит ҵыԥх Ачемпионат аҿы аиааира згази, ҵыԥх Аԥсны Ахраҿа заҭәашьахази, ус анакәха еиқәшәоит "Нарҭи" "Гагреи". Сынтәа 2019 шықәса иалагӡаны макьана аофициалтә хәмаррақәа ыҟамызт, имҩаԥысуаз ахәамаррақәа зегьы аиҩызаратә ҟазшьақәа рыман. Аԥсны Ачемпионат акәзар, асезон 2018-2019 хы-хәҭакны ишоуп, актәи аҭагьежь мҩаԥысит ҭагалан, аҩбатәи иалагоит хәажәкырамза 6 рзы. Аҵәҭаԥсара ашьҭахь еилкаахеит ишеиԥыло Афонтәи Гагратәи акомандақәа, уи алагьы ачемпионат аҩбатәи аҭагьежь хацыркхоит Афон. Ақәа ӷәӷәаны иаур, ахәмаррақәа ииагахарц алшоит Аҟәаҟа, астадион "Динамо" ахь", - ҳәа азгәеиҭеит Манаргьиа.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
