Аԥсны аҩбатәи ахада Сергеи Багаԥшь ииубилеи азгәарҭоит

© FotoСергеи Багаԥшь
Сергеи Багаԥшь - Sputnik Аҧсны
Анапаҵаҩра
НовостиTelegram
Хәажәкыра 4 рзы Аԥсны аҩбатәи ахада Сергеи Багаԥшь диижьҭеи 70 шықәса ҵуеит.

Аҟәа, хәажәкыра 2 - Sputnik, Сариа Кәарцхьиаԥҳа. Аԥсны аҩбатәи ахада Сергеи Багаԥшь ииубилеи Аԥсны иазгәарҭоит, абри атәы Sputnik акорреспондент илзеиҭалҳәеит Аԥсны Акультуреи аҭоурых-культуратә ҭынха ахьчареи рминистр Ельвира Арсалиаԥҳа.

Президент Абхазии Сергей Багапш в Кремле. Архивное фото. - Sputnik Аҧсны
Инаԥшьба: Сергеи Багаԥшь Кремль дышрыдыркылаз абара акыр иаԥсан

Хәажәкыра 4, асааҭ 12:00 рзы Џьгьарда ақыҭан Сергеи Багаԥшь имемориал аҿы ашәҭ шьыҵәрақәа шьҭарҵоит.

Хәажәкыра 5, асааҭ 10:00 рзы Аминистрцәа Реилазаара ахыбраҿы Аԥсны Адәныҟатәи аусқәа рминистрреи, Аҭҵаарадыррақәа ракадемиеи, Аҳәынҭқарратә университети еиҿыркаауеит аҭҵаарадырра-практикатә конференциа.

Хәажәкыра 5, асааҭ 13:30 рзы Аԥсны Ацәыргақәҵатә зал хадаҟны афотоцәыргақәҵа аатуеит. Аекспозициа еиқәыршәахоит Аибашьратә фырхаҵара ахьӡ-аԥша амузеи афонд, иара убас Аԥсны аҩбатәи ахада иҭаацәеи, иҩызцәеи, иколлегацәеи рхатә архивқәа рҟынтәи иадыргалаз аматериалқәа рыла.

"Ацәыргақәҵа харҭәаахоит Сергеи Уасил-иԥа аҳәынҭқарратәи ауаажәларратәи усзуҩцәа ирҭахьаз агәаларшәагатә ҳамҭақәа рыла. Уи аинтерес ду аиуеит, ицәыргахоит 60 фотосахьа. Изҭаху зегьы алшара роуеит ари ацәыргақәҵа мышқәак рыҩнуҵҟа аҭаара", - лҳәеит Арсалиаԥҳа.

Мшаԥымза анҵәамҭазы Аԥснытәи аҳәынҭқарратә университет аҟны Сергеи Багаԥшь изку агәалашәаратә хәылԥазы еиҿыркаарц ргәы иҭоуп.

Лаҵара 29 рзы Самсон Ҷанба ихьӡ зху Аԥснытәи аҳәынҭқарратә драматә театр аҟны имҩаԥгахоит аҩбатәи ахада игәаларшәара иазку ауснагӡатә.

Ажәабжьқәа зегьы
0