АҞӘА, хәажәкыра 4 - Sputnik. The Prodigy авокалист Кит Флинт 49 шықәса дшырҭагылаз иԥсҭазаара далҵит ҳәа аанацҳауеит РИА Новости, The Sun адыррақәа ҵаҵӷәыс иганы.
Амузыкант дыԥсны дырбеит Ессекс аҿтәи аҩнаҿы, иахьа ашьыжь.
1990 шықәса рзы Кит Флинт аелектронтә гәыԥ The Prodigy аԥиҵеит. Аԥхьа агәыԥ аҿы иара кәашаҩык иҳасабала далахәын. 1996 шықәса рзы вокалистк иҳасабала исингл ҭеиҩит.
Fatboy Slim, The Chemical Brothers, The Crystal Metho инарываргыланы The Prodigy бигбит ажанр апионерцәа иреиуоуп. Ари ажанр еиҳа ирылаҵәеит 1990 - 2000-тәи ашықәсқәа рзы.
