АҞӘА, хәажәкыра 14 – Sputnik. Венесуела аимадареи аинформациеи рминистр Хорхе Родригес аҳәамҭа ҟаиҵеит атәыла ахы-аҵыхәа афымцалашара аиура еиҿкаауп ҳәа. Абри атәы аанацҳауеит РИА Новости.
"Иахьазы 100 процентк афымцалашараиура шьақәыргылоуп. Аха ҭыԥқәак рҿы иҟоу ауадаҩрақәа атрансформаторқәа ахьыԥжәаз азы", - ҳәа иҳәеит Родригесаҳәынҭқарратә телехәаԥшраҿы иқәгылараан.
Венесуела анапхгара аенергетикатә кризис инадҳәаланы аԥшьашагьы ашколхәыҷқәа рзы ԥсшьарамшны ирыларҳәеит.
"Николас Мадуро аӡбра идикылеит хәажәкыра 14 инаркны атәыла аџьатә усура хацыркхарц азы. Ашколқәа рҿы акәзар, аҽа 24 сааҭ аҵараҵара аҿҳәара инахоуп", - ҳәа еиҭеиҳәоит аминистр.
Хәажәкыра 7 рзы Венесуела иреиҳаӡоу, 80% атәыла фымцалашарала еиқәзыршәо "Эль-Гури" ГЕС аҟны авариа ҟалеит. Абри ашьҭахь атәыла аштатқәа 20 фымцалашарада иаанхеит.
Аелектроэнергиаз Амилаҭтә корпорациа (Corpoelec) иҟалаз Венесуела иаҿагыло диверсиоуп ҳәа ахнаҳәааит.
