Абҳазоу Аԥсны апоезиа амш шазгәарҭо азы: ари культуратә хҭысуп
"2011 шықәса раахыс есышықәса иазгәаҳҭо ныҳәоуп апоезиа амш. Апоетцәа, ашәҟәыҩҩцәа, иара ус апоетцәа ҿарацәа, ашколхәыҷқәа уҳәа алаҳархәуеит. Иара акырџьара имҩаԥаагахьеит, ААУ аҿы, афилармониаҿы, Ҷлоу ақыҭан, аԥсуа школқәа рҿы. Сынтәа иазгәаҳҭоит амилаҭтә библиотекаҿы. Апоезиа ахәылԥаз ахь ааԥхьара раҳҭоит астудентцәа, апоезиа иазҿлымҳау, зҩымҭақәа акьыԥхь аҿы ицәырҵхьоу. Ари даара иаҭаху культуратә хҭысуп, ҳаргьы агәахәара ҳнаҭоит уи амҩаԥгара. Алитература аҿиараҿы, аҿар реиҵааӡараҿы - даара хәарҭара аланы иаабоит аиԥш зеиԥшу аныҳәақәа рымҩаԥгара", - азгәеиҭеит Абҳазоу.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
