АҞӘА, хәажәкыра 22 – Sputnik. Урыстәылатәи асапиорцәа рхы иадырхәеит аминаҵхга "Змей Горыныч" аполигонқәа "Нагвалоуи" "Ҵабали рҟны" "аӷа" иминақәа ахьыҵаз, 10 000 метр ԥшьыркца иаҵанакуаз аҭыԥ ахь анеирҭақәа рыҟаҵаразы. Абри атәы ааицҳаит Аладатәи арратә округ апресс-маҵзура аиҳабы Вадим Астафьев.
"Арратә техникеи аррамаҵзурауааи рныҟәара ашәарҭадаразы ахархәара рыҭан аминақәа рыԥшаагақәа "Коршун", ИМПС, иршәын асапиортә цәамаҭәа ҷыда "Сокол", - аҳәоит адырраҭараҿы.
Аҽазыҟаҵарақәа ирылахәын 1500-ҩык инареиҳаны аруаа, атехника ҷыда 400 цыра, атанк Т-74 ашьаҭалатәи автомашьынақәа ИМР-2, ирласны иныҟәо атраншеиатә машьынақәа БТМ, аҭыжаагатә машьынақәа МДК.
Адырраҭара апресс-релиз аҟны иарбоуп иаалырҟьаны иҟаҵаз адҵа инақәыршәаны афортификациақәа рыргылара еиҿкаан аамҭа кьаҿла ҳәа.
