АҞӘА, хәажәкыра 22 - Sputnik. Аԥсны иҟоу Урыстәылатәи Аладатәи арратә округ апресс-маҵзура аиҳабы Вадим Астафьев адырра ҟаиҵеит аполигонқәа "Ҵабали" "Нагвалоуи" рҟны имҩаԥысуаз арратә ҽазыҟаҵарақәа 1500-ҩык рҟынӡа аррамаҵзурауаа алахәын ҳәа.
"Аӷа" иршьаҟауааи ивертолиотқәеи реихсраан иҭархан 1000 инарзынаԥшуа цәҟьарра. Аҽазыҟаҵарақәа раԥхьатәи рыхәҭаҿы иаалырҟьаны иргылаз аррамаҵзурауаа атехникала иарбаз араионқәа рахь инеит 200 километра иахысны", - аҳәоит адырраҭараҿы.
Аррамаҵзурауаа ахысрақәа мҩаԥыргон агранатаршәгақәа РПГ-7В, автоматтә гранатаршәгақәа "Пламя", кәылӡыла ихҩоу атранспортиорқәа БТР-82АМ, 122-миллиметра иҟоу артиллериатә гаубицақәа Д-30 рыла ҳәа аҳәоит адырраҭара.
Амшынԥшаҳәеи ашьхара-бнаратә ҭыԥқәеи рҟны аԥшыхәыҩцәа, артиллеристцәа, азенитчикцәа аҽыхьчареи ажәылареи раан рхымҩаԥгашьа аус еицадырулеит.
Аполигонқәа "Ҵабали" "Нагвалоуи" рҟны имҩаԥысуаз арратә ҽазыҟаҵарақәа 1500-ҩык рҟынӡа аррамаҵзурауааи 400 инарзынаԥшуа арратә техникеи алахәын.
