"Аԥсуа енциклопедиа маҷи" абиблиографиатә жәари ҭыҵраны иҟоуп 2020 шықәса рзы

CC0 / / Книга
Книга - Sputnik Аҧсны
Анапаҵаҩра
НовостиTelegram
Ашәҟәқәа рырхиара иаҿуп хәажәкыра 29 2018 шықәса рзы иаԥҵаз аҳәынҭқарратә усбарҭа "Аҭҵаарадырратә центр Аԥсуа енциклопедиа" аҟны.

АҞӘА, хәажәкыра 27 – Sputnik, Бадраҟ Аҩӡба. "Аԥсуа енциклопедиа маҷи" "Аԥсуа ҭоурыхтә библиографиатә жәари" ҭыҵраны иҟоуп 2020 шықәса рзы рзы ҳәа Sputnik иазеиҭеиҳәеит "Аҭҵаарадырратә центр Аԥсуа енциклопедиа" адиректор Уасил Аҩӡба.

"2018 шықәса рзы аҽазыҟаҵаратә етап мҩаԥысуан. Абри аамҭазы аизга еидкылтәын, астатиақәа равторцәа шьқәыргылатәын, ацентр иахәҭоу амыругақәа рыла еиқәыршәатәын. Абри зегьы ҳахьӡеит. Уи адагьы астатиақәа рыҩрагьы напалаҳкит. Ҳәарада атекстқәа аус рыдулатәуп, аредакциа иахыжьтәуп", - ҳәа иҳәеит Аҩӡба.

Уасил Аҩӡба иазгәеиҭеит аенциклопедиа маҷ аҿы аангылара шыҟамло, аусурақәа ишрыцҵатәу.

Аенциклопедиақәа рҿы иҟам иахьатәи Аԥсны аҭгылазашьа.

"Убри азы аминистррақәеи аусбарҭақәеи рахь аҳәара ҟаҳҵеит урҭ рҭоурыхқәа ҳаздырхиарц. Макьаназ зегьыҵәҟьа аҭак шҳарымҭацгьы иҟоуп иаҳзазышьҭхьо", - ҳәа иҳәоит иара.

Стопка книг в библиотеке - Sputnik Аҧсны
Иаԥҵоуп аҭҵаарадырратә центр "Аԥсуа енциклопедиа"

Иахьазы Ацентр иамам алшара аусзуҩцәа аҽа тәылак аҿы ицаны архивқәа рҿы Аԥсны аҭоурых ҭырҵаартә еиԥш.

"Ҳара иҳамам алшара аусзуҩцәа аҽа тәылак аҿы ицаны архивқәа рҿы Аԥсны аҭоурых ҭырҵаартә еиԥш. аха ҳара аусура иадҳаԥхьалоит Аԥсны инымхо аҵарауаа. Москва инхо аҵарауаҩ иоуеит алшара иаҳҭахны иҟоу аинформациа иарбанызаалак архив аҿы иԥшаарцы" ҳәа иҳәоит Ацентр адиректор.

Аенциклопедиа ианыԥшуеит аҭоурых хҭысқәа, аетнологиа, афольклор, алитература.

"Аенциклопедиа универсалхоит. Иҟалап ҩ-томкны иҭыҵыргьы"? - иҳәоит Аҩӡба.

"Аҭҵаарадырратә центр "Аԥсуа енциклопедиа" аилазаараҿ иҟоуп жәаҩык аусзуҩцәа. Урҭ рҟынтәи быжьҩык ҵарауаауп. "Аҭҵаарадырратә центр "Аԥсуа енциклопедиа" аԥҵаразы аӡбра аднакылеит Аԥсны Аминистрцәа реилазаара, хәажәкыра 29 2018 шықәса рзы.

Ажәабжьқәа зегьы
0