Ансамбль "Нальмес" Аԥсны имҩаԥнагараны иҟоуп асолотә концерт

© Sputnik / Томас ТхайцукАнсамбль "Нальмэс" Аԥсны имҩаԥнагараны иҟоуп асолотә концерт
Ансамбль Нальмэс Аԥсны имҩаԥнагараны иҟоуп асолотә концерт - Sputnik Аҧсны
Анапаҵаҩра
Yandex newsTelegram
Аԥсны ансамбль ахәаԥшцәа ирыднагалараны иҟоуп иҭоурыхтәу адыга кәашарақәеи аԥсуа ҿар рыкәашареи.

АҞӘА, хәажәкыра 28 – Sputnik, Асмаҭ Ҵәыџьԥҳа. Адыга жәлар рыкәашара аҳәынҭқарратә академиатә ансамбль "Нальмес" мшаԥы 9-10 рзы Аԥсны имҩаԥнагараны иҟоуп асолотә концерт. Абри атәы Sputnik иазааицҳаит ансамбль асахьаркыратә напхгаҩы Аслан Хаджаев.

Мшаԥы 9 рзы ансамбль асолотә концерт мҩаԥнагараны иҟоуп Тҟәарчал. Мшаԥы 10 рзы Аԥснытәи аҳәынҭқарратә филармониаҿы имҩаԥысуеит аконцерт. Ансамбль асахьаркыратә напхгаҩы Аслан Хаджаев иажәақәа рыла ансамбль аконцерттә программа ҿыцуп.

80 шықәса зхыҵуа "Нальмес" акәашара

"Ҳколлектив арепертуар акыр иҭбаауп. Уажәы Аԥсныҟа инаагарц ҳаӡбеит уаанӡа ишәаҳмырбацыз "ҳахьтәы фонд", - ҳәа еиҭеиҳәоит иара.

Аԥсны ансамбль ахәаԥшцәа ирыднагалараны иҟоуп иҭоурыхтәу адыга кәашарақәа реиԥш аԥсуа ҿар рыкәашара "Кәтол".

"Ари акәашара ҳапрограмма иалоижьҭеи акрааҵуеит. "Нальмес" инанагӡо адыга кәашарақәа роуп, акәашара "Кәтол" иакзаҵәыку ҽа милаҭ кәашароуп", - ҳәа еиҭеиҳәоит Хаджаев.

Хаджаев ҷыдала дазааҭгылоит аԥсуа хәаԥшыҩцәа рыдкылашьа.

"Аԥсуа хәаԥшҩы аӡәы дилаҩашьом. Асеиԥш адкылара ссир ҟарымҵозҭгьы лассы-лассы ҳааларымызт. Аԥсныҟа ҳаҩны ҳаҟоушәоуп гәахәарыла ҳшаауа", - иҳәоит иара.

Адыга жәлар рыкәашара аҳәынҭқарратә академиатә ансамбль "Нальмес" 1936 шықәса рзы иаԥҵан.

"Нальмес" арепертуар аҿы иҟоуп 20 инареиҳаны аҭоурыхтә адыга кәашарақәа. Иахьатәи арепертуар аҿы иалоуп аԥсуа ҿар рыкәашара "Кәтол".

 

Ажәабжьқәа зегьы
0