"Москва абаҩхатәрақәа рыгәра агоит" захьӡыз афестиваль аҟны ибзианы ҳрыдыркылеит. Ахәыҷқәа қәрала ишаны х-гәыԥк ҳгеит, зегьы рықәгыларақәа рҟны актәи аҭыԥқәа ааныркылеит. Актәи аҩаӡара змоу алауреатцәа ҳәа ҳалкаан. Агран-при ҳзымгеит, аха егьыс аиааирақәа иаҳгаз маҷӡам. Убасгьы, асценатә костиум дырбараҟны аԥсуа маҭәа рышәҵаны аӡӷабцәа ахьыкәашоз актәи аҭыԥ аанаҳкылеит. Афестиваль иалахәыз даара ирацәан, зықьҩык инарзынаԥшуа ахәыҷқәа. Агран-при занаршьаз аколлектив ҳаасҭа қәрала еиҳан, уамашәагьы ибзиан. Ҳара актәи аҭыԥқәа ахьаанаҳкылаз сеигәырӷьоит, иақәнагоуп ҳәа азысыԥхьаӡоит. Уажәшьҭа ааԥхьара ҳамоуп Санкт-Петербургҟа. Ари афестиваль аҟны иаиааиз жьҭаарамзазы уа иқәгыларц ааԥхьара рырҭеит, уаҟа асупер-финал мҩаԥгахоит", - иҳәеит Возба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҟны.
