Даур Ақаҩбеи Сергеи Лаврови атәылауаҩрақәа ҩба рымазаара азҵаара иалацәажәеит

© Sputnik / Илья Питалев / Амедиаҵәахырҭахь аиасраархивтә фото
архивтә фото - Sputnik Аҧсны
Анапаҵаҩра
НовостиTelegram
Аԥсныи Урыстәылеи адәныҟатәи аусқәа рминистрцәа Даур Ақаҩбеи Сергеи Лаврови Москва еиқәшәеит мшаԥымза 1 азы.

АҞӘА, мшаԥы 2 – Sputnik. Аԥсныи Урыстәылеи адәныҟатәи аусқәа рминистрцәа Даур Ақаҩбеи Сергеи Лаврови атәылауаҩрақәа ҩба рымазаара азҵаара иалацәажәеит Москва реиқәшәараан. Абри атәы ааицҳауеит Аԥсны адәныҟаполитикатә усҳәарҭа аиҳабы Даур Ақаҩба.

Даур Ақаҩба - Sputnik Аҧсны
Ақаҩба: ҳшәарҭадара ашьақәырӷәӷәароуп иаҳҭаху

"Ҩ-тәылауаҩрак амазаара азҵаарақәа ҳрылацәажәеит. Иахьазы аус адулоуп ҩ-тәылауаҩрак азы аиқәшаҳаҭра. Урыстәылатәи аган акәзаргьы урыстәылатәи атәылауаҩра ирмарианы аиуразы аиқәшаҳаҭра аус аднаулоит", - ҳәа азгәеиҭоит Ақаҩба.

Сергеи Лаврови Даур Ақаҩбеи реиԥылара ахәшьара ҳарак аиҭеит Аԥсны адәныҟатәи аусқәа рминистр. Аиԥылараан изҵаара хаданы иҟан Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рҟны аинырра азҵаара.

Даур Ақаҩба иазгәеиҭеит Сергеи Лаврови иареи реиԥыларақәа еснагь аконструктивтә ҟазшьа шрымоу.

Аԥсныи Урыстәылеи рыбжьара адипломатиатә еизыҟазаашьақәа шьақәыргылан 2008 шықәса цәыббра 9 рзы, 2008 шықәса нанҳәа 26 рзы Урыстәыла Аԥсны ахьыԥшымра аназханаҵа ашьҭахь.

Ҩ-ганктәи аусеицура шьаҭаны иамоуп 100 инареиҳаны еиқәышаҳаҭра. Арахь иаҵанакуеит 2008 шықәса цәыббра 17 рзы анапы зҵарҩыз аиҩызареи, аусеицуреи, аицхыраареи рзы Аиқәшаҳаҭреи 2014 шықәса абҵара 24 рзы напы зҵарҩыз аидгылареи астратегиатә еиҩызареи рзы Аиқәшаҳаҭра.

Лавров: Аԥсны жәларбжьаратәи аренаҿы аҭыԥ арӷәӷәара адгылара аҳҭалоит

2017 шықәса мшаԥымза 18-19 рзы Аԥсны даҭааны дыҟан Урыстәыла Адәныҟатәи аусқәа рминистр Сергеи Лавров. Уи ара иҟазаараан иаартын Аԥсны иҟоу Урыстәылатәи Афедерациа Ацҳаражәҳәарҭа. Абри аамҭазы Сергеи Лавров дырԥылеит Аԥсны ахада Рауль Ҳаџьымба, Адәныҟатәи аусқәа рминистр Даур Ақаҩба, Аԥсны аԥыза-министр Беслан Барцыц.

Аԥсныи Урыстәылеи адәныҟатәи аусқәа рминистрцәа Даур Ақаҩбеи Сергеи Лавровыи Москва еиқәшәеит мшаԥымза 1 азы. Аиԥылараан изҵаара хаданы иҟан Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рҟны аинырра азҵаара иара убасгьы Аԥсны жәларбжьаратәи апозициа арӷәӷәареи ҩ-ганктәи реизыҟазаашьақәеи.

Ажәабжьқәа зегьы
0