Ҟазахсҭан ахада ҿыц алатын алфавит алагалара дадгылеит

© Sputnik / Рамиль Ситдиков / Амедиаҵәахырҭахь аиасраКасым-Жомарт Токаев
Касым-Жомарт Токаев - Sputnik Аҧсны
Анапаҵаҩра
НовостиTelegram
Аҟазах бызшәа алатын графикахь аиагара аамҭа-аамҭала имҩаԥгахалоит ҳәа азгәеиҭеит Ҟазахсҭан ахада ҿыц.

АҞӘА, мшаԥы 3 — Sputnik. Ҟазахсҭан ахада ҿыц Касым-Жомарт Токаев аҳәамҭа ҟаиҵеит аҟазах бызшәа алатын графикахь аиагара «адоуҳа аиҭарҿыцра» акәны ишыҟоу, абри атәы аанацҳауеит Sputnik Казахстан.

"Агәыла тәылақәагьы алатын графикахь ииасхьеит, адунеи аҟны 90 процент аинформациа злаҟарҵо алатын графикалоуп. Ишдыру аиԥш аинформациа змоу иҟноуп аҭҵаарадырреи атехнологиақәеи аҿиара ахьроуа", - ҳәа иҳәоит ахада ҿыц.

Иара убасгьы иазгәеиҭеит уаажәларратә еиҿкаарақәаки аилахәырақәаки рышәҟәымҩаԥгара алатын графикахь ииаргеит ҳәа. Токаев ишиҳәо ала аҟазах бызшәа алатын графикахь аиасра аамҭа-аамҭала еихшахоит.

"Аҟазах бызшәа алатын графикахь  аиасра зныкҟьаран имҩаԥгахом, аамҭа-аамҭала еихшахоит. Аграфик шьақәыргылоуп. Ҳара уи ҳҽацәхьаҳкуам. Иара убри аан ауаажәларра ргәаанагарагьы азхьаԥшра аҳҭоит", - ҳәа иҳәоит Токаев.

Ареспублика уаанӡатәи ахада Нурсултан Назарбаев жәабран 19  2018 шықәса рзы алатын графика шьаҭаны измоу аҟазах алфавит авариант ҿыц шьақәирӷәӷәеит. Латынница ахь аиасра ахыркәшара азыԥхьагәаҭоуп 2025 шықәса рзы.

 

 

Ажәабжьқәа зегьы
0