АҞӘА, мшаԥы 6 – Sputnik, Бадри Есиава. Аԥсны "Амобилтә лабораториақәа" рҟны анализқәа рыхк ҿыцқәа раҭара алыршахоит ҳәа Sputnik акорреспондент иалҳәеит ацентр СПИД аҳақьым-алаборант Саида Ԥалԥҳа.
"Ҳара ҳапрограмма иалаҳгалеит аҭҵаара ҿыцқәа - ауаҩы иқәра иахьмырԥшкәа ицәеижь аҟны ашьақар алазаара, ҷыдала ахацәеи аҳәсеи ирыхьуа акьыба чымазарақәа рырбагақәа реилкаара", - лҳәеит Ԥалԥҳа.
"Амобилтә лабораториа" аусзуҩцәа уаанӡеиԥш ирыдыркылалоит ВИЧ, агепатитқәа В, С, уҳәа егьырҭ аҿкы чымазарақәа раарԥшразы анализқәа.
Тҟәарчал араион аҟны "Амобилтә лабораториа" иадҵаалар ҟалоит мшаԥымза 9 рзы, Очамчыра - мшаԥы 11, Гал - мшаԥы 16, Пицунда - мшаԥы 23 рзы. Адиагностикатә процедурақәа акрымфаӡакәан имҩаԥгатәуп, лҳәоит Ԥалԥҳа.
2019 шықәса хәажәкырамзазы Гәдоуҭеи Гәылрыԥшьи араионқәа рахь "Амобилтә лабораториа" анеираан 200-ҩык ауааԥсыра рыҽгәарҭеит.
