Иԥсҭазаара далҵит Аԥсны Аолимпиатә еилакы ахантәаҩы ихаҭыԥуаҩ Валери Барцыц

© Sputnik / Томас ТхайцукВалери Барцыц
Валери Барцыц - Sputnik Аҧсны
Анапаҵаҩра
НовостиTelegram
79 шықәса дшырҭагылаз иԥсҭазаара далҵит Аԥсны Аолимпиатә еилакы ахантәаҩы ихаҭыԥуаҩ, жәларбжьаратәи акатегориа аӡбаҩ Валери Барцыц.

АҞӘА, мшаԥы 6 – Sputnik, Бадри Есиава. Аԥсны Аолимпиатә еилакы ахантәаҩы ихаҭыԥуаҩ, жәларбжьаратәи акатегориа аӡбаҩ Валери Барцыц идунеи иԥсахит асабша, мшаԥы 6 рзы, абри азы Sputnik акорреспондент адырра ииҭеит Аԥсны ашьапылампыл афедерациа ахада Џьума Кәарацхьелиа.

Валери Барцыц диит нанҳәа 24, 1941 шықәсазы ақалақь Гәдоуҭа. Ашкол данҭаз ашықәсқәа рзы амҵәышәымпыл, аҽыбӷаҟазара, ашьапылампыл уҳәа аспорт хкқәа инапы рылакын. Ашкол даналга ашьҭахь дҭалеит Киевтәи иласу ааглыхра аҳәынҭқарратә институт. Иҭаацәаратә ҭагылазаашьа иахҟьаны, уи Аҟәатәи асубтропикатә нхамҩа аинститут ахь диасуеит. Уа аҵараҵара далгоит, анџьныр-технолог изанааҭ иманы.

Абхазская делегация в Сирии - Sputnik Аҧсны
Шьамтәылеи Аԥсныи ролимпиатә еилакқәа рыбжьара амеморандум напы аҵаҩуп

1967 шықәсазы уи Гәдоуҭа абаҩрҵәыреи аспорти рзы араионтә еилакы ахантәаҩыс дарҭоит.

Барцыц – аҽыбӷаҟазаразы жәларбжьаратәи акатегориа аӡбаҩыс дыҟан, далан Москва имҩаԥысуаз XXII Аолимпиатә хәмаррақәа рыӡбаратә коллегиа аилазаара.

1985 шықәсазы Аԥснытәи АССР Иреиҳаӡоу ахеилак апрезидиум адҵала ихҵан Аԥсны Зҽаԥсазтәыз абаҩрҵәыреи аспорти русзуҩ ҳәа ахьӡ ҳаракы.

1996-2003 шықәсқәа рзы Аԥсны Аҳәынҭқарра Аспорт азы Аҳәынҭқарратә еилакы ахантәаҩыс дыҟан. 2004 шықәсазы Аԥсны ахада иусԥҟала ианашьан "Ахьӡ-Аԥша" аорден III аҩаӡара, аибашьра ашьҭахьтәи аамҭазы абаҩрҵәыреи аспорти русхкаҟны активла имҩаԥигоз аусуразы.

Валери Барцыц - Аԥсны Аолимпиатә еилакы раԥхьатәи ахадас дыҟан.

 

Ажәабжьқәа зегьы
0