Аԥсны ахада Рауль Ҳаџьымба Алашарбага аҳабла агәамсамкаԥсарҭа аҿагыларазы акциа амҩаԥгаҩцәа дырԥылеит. Иара иазгәеиҭеит Гәылрыԥшь араион аҿы аполигон дыргылонаҵы аҟәатәи агәамсамкаԥсарҭа аркра залшом ҳәа. Алашарбага араион ауааԥсыра ргәаанагара ишацәхьамҵуа атәы рҳәеит.
"Агәамсамкаԥсарҭа ааигәа инхо зегьы ахьаа ду рымоуп, хәышәтәышьа змам. Ари иахьатәи усӡам, акрааҵуеит атәы ҳҳәоижьҭеи. Ҳачҳара хыжжылеит, ахықәаҿ ҳгылоуп. Атәыла ахада иҿы ҳаҟан, иаҳҭаху идыруеит. Аԥыза-министр ара дыҟан, усҟан иҳарҳәеит хымз иаашәычҳа ҳәа. Хәажәкырамза анҵәамҭанӡа аҿҳәара рыман. Амза нҵәеит, аӡәгьы акгьы иҳәаӡом, ҵәҩанкгьы џьаргьы иарсым. Абри азҵаара ҳасабымхар ада уаҳа ԥсыхәа амаӡам. Ара игылоу ауаа ирҳәо убри ауп, арахь уаҳа машьынак ҭамлар ауп. Уахынла амам, ҽынла амам, ԥшьымш ҵуеит ауаа тәоижьҭеи, иқәҵрангьы иҟам, азҵаара збахамхар", - азгәеиҭеит Џьынџьал.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.
