Кәтол ақыҭан аҭыԥ змаз атҟәацразы инарҭбаау адыррақәа роуит

© Sputnik / Томас Тхайцукархив
архив - Sputnik Аҧсны
Анапаҵаҩра
Уаанӡа, Гәылрыԥшь араион Агәыӡера аҳаблан даанкылан 1994 шықәса рзы ииз Воуба Даур Ҳаџьараҭ-иԥа.

АҞӘА, мшаԥы 8 - Sputnik. Аусҭҵаарақәа ирылҵшәаны ишьақәыргылоуп атәылауаҩ Воуԥҳа лышьразы аҽазышәара ҟазҵаз ҳәа гәҩарас ирымоу Воуба Даур Ҳаџьараҭ-иԥа, автомашьына аҵа аграната аҵаҿеиҳәеит, ацәыхьчага амацәаз ахыхны, арԥжәага амашьына ашә аҵаҟатәи акәыр иадҿеиҳәаланы ҳәа.

Аптечка - Sputnik Аҧсны
Очамчыратәи ахәышәтәырҭа аҳақьым хада лхаҭыԥуаҩ лыҩны арҭҟәацга ԥжәеит

Абри атәы аанацҳауеит Аҩнуҵҟатәи аусқәа рминистрра асаит.

Аҭыԥ аҿы иаанкылаз ахаҿы иҿахәы ашьақәырӷәӷәаразы ауснагӡатәқәа рымҩаԥгараан иара идирбеит ацәыхьчага амацәаз ахькаижьыз.

"Ацәыхьчага амацәаз ашьаустә материалқәа ирыцҵоуп. Уи адагьы, аҭыԥ агәаҭараан иԥшаан аграната ахәҭақәа, аԥжәараан иеицакыз амашьына акәыр", - аҳәоит адырраҭара.

Иаанкылаз ахаҿы иганахьала Ареспубликатә наркологиатә диспансер аҿы амедицинатә ҭҵаара мҩаԥган. Уи инақәыршәаны ишьақәыргылан Даур Воуба анаркотикатә маҭәашьар "метадон" идкылан дшыҟаз.

Ашьаусҭҵаара мҩаԥнагоит Очамчыра араион апрокуратура.

Кәтол иҟалаз ахҭыс аганахь ала агәҩара ззыҟоу даанкылоуп

 

 

Ажәабжьқәа зегьы
0