"Агәамсамкаԥсарҭа макьана ишеиҿкаау атәы аҳәара уадаҩуп. Амашьына дуқәа рыла ажра ду аҟаҵара иаҿуп, аха уи ишахәҭоу еиԥш иҟарҵаанӡа агәам макьана ус еиқәрыжьуеит. Аибашьра ҟалаанӡа галаа агәам даҽа ҭыԥк аҿы акәын иахькарыжьуаз, уи Риаԥ ақыҭан акәын, аха аибашьра ашьҭахьҵәҟьа уи аҭыԥ ахь агәамсам агара шәарҭан. Убри аҟнытә уажәы агәамсамкаԥсарҭа ахьыҟоу аҭыԥ ақалақь ауааԥсыра рхала иалырхыз ауп. Иахьа уахь Аҟәантә ҽнак 20 машьына рҟынӡа наргоит, Гал акәзар 5 машьынак роуп иҟоу. Ҳәарада агәамсам ахыԥхьаӡара акырӡа иацлеит. Анхацәа ракәзар, ацәажәара рҭахӡам, ражәа драӡоит ҳәарада, изҭахым ыҟоуп. Ари проблемоуп, аха араион акоммуналтә усбарҭа аиҳабы иажәақәа рыла уажәшьҭа Аҟәантә атехника анроу нахыс аҭагылазашьа аҽеиҭанакуеит", - еиҭалҳәеит Кәарцхьиаԥҳа.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.
