Микрофон  - Sputnik Аҧсны
Арадио

Ҷолариа "Абиблиоҵхы" азы: аԥхьара ӡырзго акциа есымша иҟазароуп

© Sputnik / Томас ТхайцукБорис Ҷолариа
Борис Ҷолариа - Sputnik Аҧсны
Анапаҵаҩра
НовостиTelegram
Иван Папасқьыр ихьӡ зху Амилаҭтә библиотека аиҳабы Борис Ҷолариа арадио Sputnik аҟны еиҭеиҳәеит "Абиблиоҵхы" захьӡу ауснагӡатә атәы.

"Абиблиоҵхы" захьӡу ауснагӡатә еиҿкаахоит Аԥсны мшаԥы 22 рзы. Уи аҳәаақәа ирҭагӡаны Амилаҭтә библиотека ашәқәа уахыки-ҽнаки иаатызаауеит аҭааҩцәа рзы.

"Ҳазлацәажәаша ҳамоуп": Ҷолариа "Абиблиоҵхы" иазкны

"Ари акциа жәларбжьаратәиуп, изыдҳәалоу адунеи аҟны ашәҟәыԥхьара ауп. Уи аганахьала ҳтәылагьы налаҵаны зегьынџьара аиҵахарақәа ыҟоуп. Ашәҟәыԥхьара каҳауа ианалага, уахьақәымгәыӷуа аҭыԥқәа рҟны ашәҟәқәа шьҭарҵо иалагеит ауаа аԥхьаларц. Уи лҵшәак аиуит, аха иаанымгылаӡеит, ирхәыцит абиблиоҵхы амҩаԥгара. Иара анырыӡбаз амш ауп уажәы ианазгәаҳҭо, аха имҩаԥугар ҟалоит ашықәсан ҩынтә-хынтә, есымша иҟазароуп  аԥхьара ӡырзго акциа. Аҟазацәа игәарҭеит ауаҩы иинтелект аганахьала ахьысҳарақәа шыҟалаз. Аелектронтә ресурс ҳәа иҟоу ауаҩы изымариоуп, аха дархәыцӡом. Ирласны иоуа аинформациа ихаҿы инхаӡом, дақәгәыӷуеит исмартфон, егьырҭ аелектронтә хархәагақәа ихианы иахьыҟоу. Ашәҟәы уанаԥхьо иунаҭо рацәоуп. Акциа мҩаԥысуеижьҭеи адунеи аҟны шықәсқәак ҵуеит, Аԥсынра хышықәсоуп ҳхы алаҳархәуеижьҭеи", - иҳәеит Ҷолариа.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҟны.

Ажәабжьқәа зегьы
0