АҞӘА, мшаԥы 26 – Sputnik, Сариа Кәарацхьелиаԥҳа. Аԥсуа-адыга театрқәа Жәларбжьаратәи рфестиваль "Кавказский меловой круг" аҟны Аԥсуа ҿартә театр иқәнаргылеит аспектакль "Қьалашьбеи" ҳәа Sputnik акорреспондент илзеиҭеиҳәеит атеатр актиор Ахра Кәарҷиа.
"Ҳара ҳақәгылара мҩаԥысхьеит. Ҳәарада, даара ҳагәқәа хыҭхыҭуан, аха уи ишьахәны ирыдыркылеит. Аспектакль ашьҭахь ахәаԥшыҩцәа ааины иҳадырныҳәалон, ирҳәон атема дара рызгьы ишактуалу. Уи агәадура ҳнаҭеит", - еиҭеиҳәеит Кәарҷиа.
Иара убасгьы иазгәеиҭеит маиҟәаԥтәи асценеи аҟәатәи асценеи акыр ишеиԥшу, уи инадҳәаланы аспектакль адаптациа азуразы проблема шрызцәырымҵыз.
Аԥсуа-адыга театрқәа Жәларбжьаратәи рфестиваль "Кавказский меловой круг" мҩаԥысраны иҟоуп Маиҟәаԥ, мшаԥы 22-28 рзы. Афестиваль иалахәуп
Еныкь: "Кавказский меловой круг" Аҿар Ртеатр раԥхьаӡа излахәу афестиваль ауп>>
Аҿар ртеатри Аԥсуа драматә театри. Иара убасгьы афестиваль иалахәуп Нальчик, Черкесск, Назрань, Грозныи, Владикавказ, Цхинвал, Махачкала рҟынтәи аколлективқәа.
